11 juin 2015

الجزء الخامس والعشرون


هزّينا رواحنا وڤطّعنا ونحن في الثنيّة ماشين لدار بوحميد عرضتنا فوزية بوبز لابسة كلها بالأكحل.
بوحميد: آه فوزية آش تعمل هنا؟!
فوزية: سمالله العظيم فجعتني! منين خرجتولي؟
بوحميد: آش مرجعك؟!
فوزية: اوووف مانيش ناقصة فجايع .. قلبي باش ياقف ..
بوحميد: شبيك روحت؟
فوزية: أسكت يا بوحميد .. صار فينا اليوم!
بوحميد: آش صار؟؟
فوزية: ماو طلع معانا حنش في الشقف!
بوحميد: آنمّي ! حنش شنوّا؟! زدم عليكم الحاكم؟!
فوزية: زدمت علينا البحرية على الصباح الرباح! ماو طلع معانا فرخ بوليس وبوه كادر في الحاكم.
بوحميد: يا ناري! هاهاهاها.
مورو: ياخي القبطان ما عندوش permis هازز معاه زميل؟
فوزية: ما فيبالناش بيه، واحد فرخ .. بوه شلق بيه، ياخي خبّر علينا البحرية عرضتنا ونحن مازلنا كي قلنا ربي العمال عليك!
مورو: بالاهي برا روح فك زبوبنا! طوا هاذي حكاية؟
فوزية: والله يا مورو ورحمة خويا الغالي في ڤبرو كيما نحكيلكم! صار فينا ولا رانا في لامبادوزا، ما فهمتش علاش الطحان طلب اموّ؟!
بوحميد: توحش بزولها النياك ههههه.
فوزية: يمشي يشد حجرها ويسيب زبوبنا .. هنمي معيفينا في حياتنا في البر والبحر؟!
مورو: ما دخلتش لمخي الحكاية .. بوليس بخدم و بشهريتو وزيد بوه يخدم كادر في الحاكم يحرق مع فوزية بوبز؟ بصراحة ما يقبلهاش العقل!
فوزية: الخرا حسب ما سمعت، هارب على خاطرو يتبع في الخوانجية..
بوحميد: بصراحة مورو البوليسية حالتهم منيكة، في الكياس يوقفو في الكراهب كالقحاب .. لو كان يتقص عليهم خاموس وعاشور مشاو ينيكو!
مورو: باهي جماعتك وينهم؟
فوزية: كل واحد روّح على روحو..
مورو: وسلوى وين مشات؟
فوزية: ما تذكرنيش في سلوى! طفلة هاذيكا موش عادية مبعبصة في مخها!
بوحميد: هههههه آش من غريبة عملتها ؟
فوزية: بالرسمي شوفت وشوفت وحدة كيف سلوى ماراتش عيني! 
مورو: أحكي يا زبي آش عملت؟
فوزية: ماو جا سي الزبابة خرّج ولدو وبقينا نحن موقوفين في المنطقة، للّاتك سلوى ناكتلهم عرعور عملت خوضة والرب والسماء، الدنيا شنعتها، قالتلهم هي زميلة كان هو عندو بوه كادر يخرجو هي عندها الوزير بيدو ..
بوحميد: ههههههههههه منين تعرفو الوزير؟
فوزية: تحشي فيه القحبة! أما بطاقة التعريف متاعها تخوّف مكتوب فيها موظفة في وزارة الداخلية قالتلهم أعطوني تليفوني خلّي نكلّم الوزير طو ينيكلكم أمكم .. ناكتلهم فيلم يا ولدي موش نورمال! .. تسب فيهم وهوما مبلعين جلوغاتهم كلمة لا .. انا قلت ca y تحشالنا ديفينيتيف وهي شدّت الصحيح باش تكلّم الوزير، آكاهو البوليسية خافو لا يطلع كلامها صحيح ويتحشالهم ياخي ولاّو يحكو معاها بالسياسة وزيد بو الفرخ تكلم علينا آكاهو سيبونا وزادو رجعولنا فلوسنا من عند الحراق.
بوحميد: مالاّ سلوى يا زبي يا زبي !! والله ثروة وطنية! فيها عرق الكاهنة! ربايتك يا شيخ ههههه.
مورو: عندك نومروها؟ تعرفشي وين مشات؟
فوزية: والله ما نعرف ما روحناش في فرد لوّاج..
مورو: مالا مع شكون روحت؟
فوزية: مع مهدي ولد عمر..
بوحميد: هيّا مورو نمشو لدارهم .. فوزية برّا روّح نيك دوش حجم ظبابطك وأفرك فرفورك مبعد ايجا للدار نكملك حكاية الحبارى والصيد العشوائي هههه.
فوزية: يشيح ريقك يا هامل !

مشينا لدار مهدي، عيّطنا عيّطنا ما خرجلناش، ياخي كلمناه في التليفون قاللنا راهو مازال كيف دخل للقهوة، ياخي خلطنا عليه.

بوحميد: يا نيّاك تحرق وما تقولش؟ نيكمها لاك راجل، الصحبة صحبة والنيّة في لامبادوزا
مهدي: براس أمك يا بوحميد راني متكرز ما تزيدش على زبي! خلّيني نركّح مخّي بقهيوة ومبعد قول الّي تحب..
مورو: نورمال تمشي لجرجيس وتڤوّن وتحرق ونحن صحابك آخر عباد تسمع؟؟
مهدي: والله لا قلت لحد، حتى الدار ما فيبالهمش، حبّيت على السترة يا صاحبي باش ربي يوصّل بالسالم، ما نحبش شكون يعرضلي فيها ..
بوحميد: لو كان في بالي راني عطيتك العجلة متاع الموتور حطّيتها في حزامك حرقت بيها ههه.
مهدي: مورو براس مارية أعطيني سيڤارو .. الداهما سايي روّح؟
مورو: أي روّح اليوم، علاش؟
مهدي عطاها كمية عميقة وخرّج الدخان من خشمو وهو يتبسّم: حتى شي، تذكرت الطليان ياخي تذكرتو..
مورو: موش عوايدك تتذكر وتتبسّم، مهدوش خويا العزيز، من الأخر شبيه الداهما؟ عندو علاقة بموضوع الحرقة؟
مهدي: لا علينا ..
مورو: كنت ماشي بحذا الداهما؟
مهدي: ما سهلش ربي، آكاهو ..
مورو: معقول .. ماشي باش تخدم معاه؟
مهدي: لا علينا مورو .. أخطانا.. إقلب علينا الموضوع..
المورو: بوحميد موش غريب، أحكي مايسالش.. ماشي باش تخدم معاه؟
مهدي: تعرف خالك آش يخدم؟
مورو: يخدم في بواطا في ميلانو..
مهدي: لا يا حومة، الخلخول يخدم في الكوكا، مافيوزي كبير، شادد ريزو كبير بين كرواتيا وميلانو، خالك غبّار آد الدنيا يا محطّم! والبواطا عاملها مارشي..
مورو: ايه وانت تنجم تقد روحك مع المافيوزيين؟
بوحميد: وفوزية وسلوى ماشين يزبرو ولا يحصدو في الكوكا؟
مهدي: مالا ماشين يبيعو في ترمهم؟! الفلوس يا صاحبي، وقتنا وقت الأورو والدولار  .. وقت الفورطونا .. الى متى نبقاو نغزرو بعينينا ونبكو في قلوبنا، صاحبكم تعب، عايش في بلاد منيكة، بلاد حڤارة، بلاد عافسة على الزوالي، العباد تهزك وتحطك .. تبيعك وتشريك .. قداش تسوى؟ ونحن المنيكين بالنسبة ليهم سلعة رخيصة ما نسواوش.. سلعة فالصو..
مورو: وفي الطليان باش تطلع البورصة متاعك؟ باش تولّي ذوق أربعة وعشرين؟
مهدي: فرق ما بين جيبك معبّي بالدراهم وبين نصبة وكل يوم على خاطرها تتنايك مع البلدية ..(ضرب مهدي يدو على الطاولة) يا مورو ديربك راني تنكت .. الفقر والميزيرية ناكوني! تحطمت .. نحب نحلم كيف العباد .. تعبت من الغم والهم.. قاعد نخدم كان على Argent de poche حق باكو دخان وقهوة ولا مستقبل ولا زبي!
بوحميد: يا مهدي هآنا في الهواء سواء، تشوف فينا كرز؟! على القليلة انت هآك تخدم وحاطط في قلبك وتخمم في المستقبل! انا ومورو المستقبل دفناه من ياكا العام، عايشين متنايكين .. خرجنا من الربح والخسارة .. اخرتها يحشولنا قطنة في صرامنا وهز ادفن الخرى .. حتى من البصّة في القبر باش يحرمونا منها ههههه اضحك يا زبي .. مهدوش ماعادش تكرّز روحك .. الغش ما يبدّل شيْ .. عندنا سطيّر! تحب نرشمهولك تجنّح بيه لميلانو؟ تشم ريحة الطليان؟
مهدي: آزبي ! منين جاتكم؟
بوحميد: يا منيّك كان انت مڤطّع صرمك وحارق على خاطرها، أنا والمورو نخلطو بيها في القهاوي في بلاصة السكر هههههه.
مهدي: مالا مروجين متاع زبّي! شكون جابهالكم؟ الداهما؟
مورو: مهدوش .. موش الفايدة تعرف كل شي .. المعرفة برشا برشا موش باهية لأفكارك..
بوحميد: واذا عرفت أكثر من اللازم اوفر دوز حاول أعمل غسيل دماغ ونظّف الزايد الكل..
مهدي: يا زبي أنا وين؟ قاعد مع الاخوين كورليوني ؟
بوحميد: مورو آش نعملو معاه هذا؟
مورو: انسان منيّك، الدنيا ناكاتو ونزيدو نحن نيكوه؟ ياسر عليه!
بوحميد: مالا سيّب علينا منّو.
مورو: مهدي انسان طيب ومتربي وعاقل برشا وما يحبش في صحابو، عمل غلطة وميسالش نسامحوه، الكلنا نغلطو .. أما أكبر غلطة يعملها ومستحيل نسامحو عليها اذا ما يقولش سلوى وين مشات.
مهدي: خليتها في تي جي ام تستنّا في ترينو .
جبدت شعلت سيڤارو.
مورو: وين مشات؟
مهدي: قالت باش تمشي للكرم، سئلتني عليك وعلى أحوالك وآش عامل..
مورو: آش قلتلها؟
مهدي: كالعادة حيطيست يتطلفح مع بوحميد من الحيط لحيط..
مورو: شكون عندها في الكرم؟
مهدي: مشات لصاحبتها نعيمة البطّية .. 
مورو: شكون؟!
مهدي: نعيمة الّي تقرب لدار السبنيورية، الّي شطحت في عرس سمير وصارت عركة على خاطرها..
مورو: آه تذكرتها، هاذيكا تسكن في الكرم؟ في بالي بيها موش من تونس جملة.
بوحميد: لقيتها مرة في الحفصية غاطسة في صحفة متاع لبلابي، قلتلها حط ربي في بالك! غزرتلي قالتلي نععم! .. هاهاهاهها قلتلها براس امك تخلّص في الزبلة والخروبة كيف الناس؟ عضّت لسانها وقالتلي ابعد من قدامي لا نصمتك بالصحفة هههههههه.
مورو: هههههههه آش مدخلك فيها؟ 
بوحميد: تعرف زبي مدوّد على القحب، زعمة على الفرش تنجّم تهز ساقيها كيف النساء الكل؟
مورو: لا تهز ساقيها لا زبي، تشدك من ساقيك تغطسك في برميل متاع زيت و مبعد تحشيك في صرمها تفركهولها مليح  ومبعد طيشك ههههه.
بوحميد: هاهاهاهاها عالمكم منيك يا صاحبي .. الرجوع الى الصرم .. ندخل نعيش في وسطو .. نفسّخ ونعاود حياتي من جديد.
مورو:  نيكمها لو كان ترجع لركايب ابيك لا يتبدل فيك شي! تبقى ديما سلعة فالصو .. عندهاش نومرو ؟ عندهاش آدريسا؟
المهدي: عندي نومرو سلوى لحظة نعطيهولك..
مورو: يعطيهولك العام .. شد قيدو.
خذيت النومرو من عند مهدي ومشيت للمحطة متاع الكيران، لقيت حجرة قعدت عليها وطلبت سلوى، المرتين لولانين ما هزتش، المرة الثالثة هزت.
سلوى: من بكري وأنا شادة تليفون ونغزرلو ونعاود ..عرفتك باش تطلبني... مورو شبيك ساكت تكلم!
مورو: لو كان ما قابلتش مهدي و ما خذيتش النومرو من عندو وطلبتك .. التليفون راو نطق وقالك سيب زبي!
سلوى: مورو شبيك تحكي هكا؟!
مورو: اسمع سلوى باش نقولك معلومة ما تعرفهاش .. تالمون شميت الكول وأنا صغير، ريت الخلايا متاع السعادة في المخ تحرقت وتبعبصت، لكن الحاجة الباهية إلي عملها الكول تعرف شنوا؟ زرعلي خلية جديدة في المخ تخليني في أي لحظة نبعث العباد تنيك.. تعرفش علاش باش نبعثك تنيك؟
سلوى: قول..
مورو: هربت وقلت نورمال ترتح نهارين وقلبك يحن وترجع، حبيت تحرق وما قلتش تشوفني تودعني على حياة ولا على موت! ترجع لتونس وما تطلبنيش.. نطلبك مرتين وما تهزش ومبعد تهز وتقلي شادة التليفون في يدك وتغزرلو وتعاود تستنى فيا باش نكلمك .. سلوى!
سلوى: نعم مورو .. 
مورو: مانيش باش نقلك حتى كلمة خايبة .. أما لكن نشوف ديربك في أي بلاصة ديراكت وجهك نحلهولك .. يوفا الحديث؟
سلوى: مورو قبل ما يوفا الحديث نحب نقلك كلمة وحدة، نحبك .. نحبك .. نحبك .. نحبك .. باش نجيك طو للدار نبوسك ومبعد حتى كيف تذبحني .. أنا اللحم وانت السكينة..
مورو: القحب هذا نعرفو .. أنا ما عادش نحب نشوفك.. انتهى سلوى ..
سلوى: مورو نعرف قلبك معبي، ما نحبش قلبك يفرغ من الحب ويتعبا بالكره .. أنساني كان تحب لكن ما تكرهنيش .. على خاطر إلي عملتو الكل على خاطرك، حبيتك تعيش متهني في حياتك.. تعيش مرفوع الراس .. موش راجل القحبة متاع الكارطي .. أوكي مورو .. باش نختفي من حياتك وما عادش باش تشوفني جملة .. ونعن دين رب الحب..
مورو: هل عندك أقوال أخرى؟
سلوى: نشالله تلقى ما خير مني..
مورو: أنت أحسن وحدة فيهم، أنت أبن حاجة ذقتها .. قلبي ما عادش عينو فيك ولا في النساء .. سلوى تشاو آموري..


17 comments :

Anonyme a dit…

Vraiment tu m'a déçu cette fois, j'attendais la partie 25 avec impatience mais enfin j'ai pas aimé, on dirait que ce n'est pas la même personne qui écrit, des mots sans sens sans créativité.

Nero a dit…

7assit'ha mazrouba ..

asma a dit…

3leh huit haka m3a salwa

Anonyme a dit…

مورو اعطينا جديدك
احكيلنا كفاش عشت الثورة
أحوال الحومة

Unknown a dit…
Ce commentaire a été supprimé par l'auteur.
Unknown a dit…

fannen.

Unknown a dit…

niheya touja3 ama 9wiya wmahich classique
bravoOOO

Sabrine a dit…

Pfffffff awel marra na9ra haja b jamel hedha
Mourouuu yecer fort raaak yecerrrr

Unknown a dit…
Ce commentaire a été supprimé par l'auteur.
Unknown a dit…

بصراحة من بارح للتو واني نقرى فالقصة امان كمل الجديد و برافو يعطييك الصحة <3

Anonyme a dit…

Wken tchouf ena 9addech fannen!!!

Anonyme a dit…

رائع يا مورو...اسلوب متفرد وفذ في نحت الأحداث..ما نتصورش واحد يقرالك وما يلقاش روحو في شخصيات القصة....برافو كي عريت الواقع..

Rim a dit…

👎👎

Rim a dit…

👎👎

Anonyme a dit…

العباد اللي قالولك الي هوما معجبتهمش الفصل هذا كيفاش وفا صحيح عندهم الحق خاطر كي يقراو في الحكاية ميفوتوش المعنى السطحي ميشوفوش اللي هذي مهيش حكاية عادية هاذا هو الواقع انو كي نقراو منركزوش في عمق القضية المطروحة ما نركزو كان عاى العلاقات الجنسية و الكبت الي يفرغوه كي يقراو حاجة كيف من هكا ... في الاخير نزيد نقلك واصل و برافو و صحيح النقد باهي اما كيف يكون بناء موش نقد هدام و شكرا ������

Unknown a dit…

تشد هام بش تكتبو ها زبي !!

Unknown a dit…

تشد هام بش تكتبو ها زبي !!

AddThis