خلافة الطفارة

كنت واقف في الحومة نستنى في فرخ صغير بعثتو يشريلي في باكو دخان ياخي مشى ما رجع! و أنا واقف كي البهلول غايضتني الثلاثة ألاف و تعدى فتحي سلّم عليا و جبد دبوزة عطر من جيبو و عطاني نفوح بيها.
المورو: يطيب ريحتك يا فتوح! يفوحك ربي بريحة الجنة!
فتحي: آميين، نشالله أجمعين.. شبيك ما جيتش صليت العشاء؟
المورو: نشالله ربي يتوب علينا كيفك و نصلو العشاء و الفطور و البتي داج و اللمجة المدرسية..
فتحي: لا حول الله تستهزئ بالصلاة؟!!
المورو: هكا طو! تعرفني نستهزئ؟! نفدلك و برا.. أما نصلي في الدار بعيد على العبنين، الوضع ما يعجبش و جماعة الجامع بكلهم صبابة..
فتحي: هيا الحمدوالله با ربي! المورو تاب عليه ربي! بصراحة ما كنتش نتوقعها!
المورو: مالا توقعها! و نزيدك زيادة، نشالله في رمضان ماشي باش نعمل عمرة و باش نعبي برميل ماء زمزم و نغطس فيه، فماش ما نطهر نفسي و الجسد من الذنوب و المعاصي!
فتحي: الله مصلي على النبي ههههه مالا شيخ مورو! و الله فرحتلك .. نشالله ربي يثبتك!
المورو: آمين بجاه رب العالمين، كان خلاونا هاك تشوف فيها الدولة كافرة و ما تحبش اتطبق شرع الله! هل يعقل المطر و البرد و الأعاصير في شهر ماي؟ مناش هذا؟ من غضب الله سبحانو! و الله ربي قادر يخسف بينا الأرض على الشئ إلي نعملو فيه! كثر الفساد يا فتوح كثر لدرجة كبيرة!

فتحي: هاذاكا حال إلي ما يطبقش شرع الله! و نشالله ربي ينصر الاخوة و حط في بالك الخلافة جايينها جايينها! .. أحب من أحب و كره من كره! سبحان الله حتى من البركة تقطعت من البلاد..
المورو: بالطبيعة تتقطع! هاك تشوف في انتشار اللواط! وصلو عملو جمعية و جابوهم في التلفزة و في عقر دارنا و العياذ بالله!
فتحي: نشالله ربي يتوب عليهم!
المورو: حتى لو كان يتوبو لابد أن نقيم عليهم الحد! .. تعرف شنوا حكمهم الشرعي؟

فتحي: عندهم حكم شرعي؟

المورو: مالا آش تستخايل؟! اما الحرق أو نرموهم من مكان شاهق أو حد السيف و قد أجمع جميع العلماء و الفقهاء و جميع المذاهب على ذلك.. صحيح يستتاب و مرحبا بيه أما لابد من قتله... استنى نمشي للعمرة و نجي و راسك الا ما ندور عليهم بالواحد بالواحد و إلي يعرضني منهم نبعجو !
فتحي: يا ولدي مثبت من الحكاية هاذي؟!
المورو: ايه مثبت، شد اقرى فتاوي العلماء!
الفتحي دخل بعضو و تكبس ولّى يرعش.
المورو: اللواط يا ولدي موش ساهل، اللطف يهتز منو عرش الرحمان.. غدوة جايتني ليستة كاملة متاع اللواطيين في الحومة الكل، معايا شكون قاعد يحضر فيها.. تعرف يا معلم كي تقتل لوطي عندك أجر كبير عند ربي! تصور نقتل عشرة لواطيين مترمين! الله أكبر! والله زعكتهم ما نرشم فيها خربقة!
فتحي: فك علينا من الموضوع..
المورو: سمعت بيك كنت تمارس في الفاحشة مع عزوز.. 
فتحي: شكون عزوز؟!!!!
المورو: عبد العزيز العصافري ما عادش تعرفو؟ باش تتخبى عليا حاجة؟! و في بالي بيكم كنتو تتقابلو في الليل في الخربة و يعطي فيك في خميسة و باكو دخان و بالأمارة فما مرة كي ما عطاكش ضربتو بونية طيحتلو سِنّة..
فتحي: والله موش صحيح! بربي شكون حكاهالك الحكاية؟!
المورو: و نزيدك زيادة، عمك الكش موش لقاكم مرة مصرفقينو لبعضكم في المطهرة؟ ياخي ضربكم بسطل و طردكم من الحمام! و العم الكش ماك تعرفو انسان مصلي و متقي و ما يكذبش، انجمو نمشو نسئلوه!
فتحي: صحيح، أما راني تبت و ما عادش ندور بالشئ هذا..
المورو: لا يكفي يا ابني! ماك تحب على الخلافة و اقامة شرع الله؟ يلزم نبدا بيك و نقيم عليك الحد و تكون مثال يحتذى ببه!
فتحي: شكون قالك نحب على الخلافة؟! و الله خاطيني مانيش منهم! تحب نمشو طو نسكرو؟!
المورو: ههههههه يا نياك رجعلك شاهد العقل! مالا غدوة حضر لعمك قاجو قزاز نشعبن بيه فماش ما نسامحك و نحيلك اسمك من ليستة!
فتحي: تحبش نزيد نجيبلك عزوز؟
المورو: روح نيّك انت وياه .. برا طو خلص العربون و جيبلي باكو دخان ..
فتحي: الله يبارك!
المورو: اسمعني انبه عليك، تحب تصلي و تعطي حق ربي أنا معاك، أما باش تبدا تدوعش و تتفلسف و تفتي من عندك، هاو خلافة و داعش و تقسم العباد هاو كفار و هاو مسلمين و هاو حبسقليو.. الا ما نرجم زبورمك في البطحى!
فتحي: يا مورو الدواعش والله لا ندور بيهم جملة!
المورو: هكا متفاهمين! برا جيبلي باكو دخان، هآني نستنى فيك.. شد هاك.. 
فتحي: والله ما صارها..
المورو: فلوسك حلال؟

فتحي: عشرة لاف خذيتها من عند عزوز هههههه.

Categories: