الجزء الثاني والعشرين

خذينا تاكسي، بوحميد هبط في الحومة وأنا كمّلت تعدّيت هبطت في باب بحر ... قصّيت على البلاد العربي ومشيت لكارتي سيدي عبد الله قش، لقيتو تقريبا فارغ، فيه شويّا رجال كبار وفروخ صغار نايكهم الشهيلي  يطلفحو يتبولدو على الحوريات .. مشيت للشامبري متاع خالتي مباركة، لقيتها لابسة جبّة صفراء نمري وكابسة راسها بمحرمة حمراء مزركشة بالورد وقاعدة على fauteuille أخضر وساقيها محطوطين على طبّورية بلاستيك زرقاء .. قاعدة تمروح وتتفرّج في التلفزة .

مورو: السلام عليكم.

مباركة: زارتنا البركة.

مورو: هاك تمروح، شنوّا مباركة عاملة فيك السخانة؟

مباركة: والله عاملة فيّا! ما يوفا صيف السنة كان ما صرمي يتشوشط من السخانة..

مورو: نطلبلك عسكر الحريقة يجو يطفّوهولك؟

مباركة: أسكت نيّك .. ما ريتك فالح كان في تشقشيق الحناك ..طيّشلي المنشفة هاهيكا وراك.

مورو:  الدنيا هآي فارغة .. ما فمّاش خدمة اليوم؟

مباركة: خلّي يخدم في زبورمها الحاكم .. هاوْ  يصول ويجول .. مشاكل البلاد الكل تفضّت وما بقالهم كان الكارتي يعسّو عليه ..

مورو: آش عملولك زادا ؟

مباركة: بكري شويّا جاو زوز كامبيات عبّاو فيها العباد على بعضهم.. يضربو فيهم بالكف والموشطة وتسمع كان أطلع نيّك أطلع نيّك..

مورو: يزّي "بوكا" من التشوكيع، تي ماك تعرف ساعات يسربسوها ومبعّد يسيبو اللعب .. أما خير ولا يتعبّالكم الكارتي بالزغزغ  والمجرمة؟

مباركة: نشالله تتفرهد، آش باش نعملو؟ هآنا صابرين حتّاكشي يفرّجها ربّي، وأنت داركم لاباس؟

مورو: حمدوالله مسلكينها.

مباركة: يا محرزية صبّي كاس ليموناضا لولد مارية.

مورو: ماجاتش بحذاك سلوى؟

مباركة: جات الصباح عملت طلّة، عندها دبش هزّتهم ومشات.

مورو: ما حكاتش معاك؟

محرزيّة: تفضّل.

مورو:  عيشك حروز.

مباركة: ما تلاهيتش بيها .. بزهرها لقاتني عاملة عركة مع واحد وجهو كي القنفود عامل لحية.. شدّلي الفرخة يقوللها قولي "ملّكتك نفسي" ودرا شنوّا وجايب ورقة يحبها تصحّح فيها..

مورو: ورقة متاع شنوّا؟

مباركة: منين ندري على جد بوه ؟!

محرزية: كونطراطو متاع عرس هههههه.

مباركة: شد عندك! يحب يباصيني!

مورو: آزبي التكربيس باش يعودو يسجلوه  في دفتر خانة ؟ تصوّر يجيك عدل منفذ من القباضة يعملّك عقلة على زبورك ويسكرهولك بالشمع الأحمر ! هه

محرزية: ههههه شبيك تغزرلي؟ مانيش أنا يا ولدي ..تحكي على سندس.

مباركة: وحب يخرج هو؟! كبّشلي في الطفلة! شادد يقوللها زواج عرفي .. زواج عرفي متاع نص ساعة ... والله على مرتين باش نسخطو بالكرسي على راسو .. نعن بوه وبو جد بوه .

مورو: آش عملت معاه؟

مباركة: طلبتلو الحاكم بالوقت جاوْ هزّوه .. على القليلة عمْلو حاجة تصلح!

مورو: ههههه مالاّ  غرايب! كل مرّة تسمع غريبة في هـ البلاد، العباد هبلت ماعادش فيها!

مباركة: نعلة الله عليه، واحد منافق يحكي بآش قال ربي والنبي  وهو زبّو باش يخرجلو من صرمو من تالي..

مورو: سيدي العربي اذا وڤف زبو ينسى ربّو .

مباركة: غزّلني .. دمّي فوّرهولي ..

مورو: علاش الّي يعرف ربي ما عندوش الحق ينيك؟

محرزيّة: قاللها نعطيك ثلاثين ألف.

مورو: علاش ما خلّيتوش يعمل معاها نيكة وتنيكي ثلاثين ألف؟

مباركة: ينيك عزاه وخلاه! إبعدني يا ولد ماريّة! السخانة وزيد أنت .. ياسر عليّا!

مورو:  يخرالك فيه .. بعد ما يخرج الورقة تنجّمي تقطّعيها..

مباركة: .امّارك ما نيمنهمش .. كي غدوة يرجعلي ويحب يهز الطفلة ويجيب معاه جماعتو آش نعمل؟

مورو: في هاذي عندك الحق، بالنسبة ليه يعتبر روحو شراها ولاّت جارية عندو هههههههه وينجّم يعمل فيها آش يحب .. ينيكها حلزوني ..يبعبصها براس بصل .. يغطّسها في الشحور.. هو حر.

محرزية: ووووه البلاد مسيبة على قرنو؟!!

مباركة: ولد ماريّة سيّب الكاس وبرّا روّح!

مورو: آه نمّك! ما تعرفيش نظام الجواري؟!  .. حشاتو اذا ما يبعثهاش تغربل في الرمل في تورا بورا..

مباركة: من غير ما تحكيلي .. نعرفهم سقّاط..

مورو:  ياخي حسن ولدك موش معاهم؟

مباركة:  خلّي من هاذاكا .. من أسقط عِباد الله!

مورو: هههههه

مباركة: النهارين جاه ياكا المنزوس ولد شيشخانة يكر عليه .. خرّجو في غرغور الڤايلة هزّو ومشا بيه للمعتمدية ..

مورو: مشا يدبّر في بطاقة معاق؟ ههههه

مباركة: حتّى هو هاوكا مطيّش في الدار كي المعاق ما يتحرّكش .. تشعبطو السور ودخلو يسرقو في الخوخ من الجنينة! شلق بيهم العساس ..  ولد شيشخانة هرب وحسن بقا واحل فوق الخوخة.. شبع فيه العساس بالعصا .. ضربو على زعكتو نفّخهالو  زرڤة بكلها .. دقدقو فترشو تفتريش ... روّحت للدار لقيتو مطيّش  كيف كدس العزى .. لحمو بكلّو أزرق مدمْدم بكلّو وحتّى من الغرز الّي في ترمتو تحلّو..

مورو: يطلعشي زادا يتوحّم وشاهي الخوخ ههههه..

مباركة: واحد مريض .. ما ينجّمش يبعد على السرقة، والله لو كان جا مستحق قول مايسالش .. الفريجيدار معبّي كان بالغلّة، ما فمّاش حاجة يشتهيها ما نجيبهالوش..

مورو: ياخي موش قاعد يخدم؟

مباركة: بطّال شادد الدار، كان يخدم معايا  يبخّر في الشنابر يدبّر في راسو يصوّر في الخير والبركة، من نهارت الّي بدا يتبّعلي في ولد شيشخانة وحسن التارزي .. الطفل مخّو تسكّر  والخدمة الّي نقولّو عليها اخدمها يقولّي حرام .. نهار كامل وهو يسيّق في الجوامع ويهزّوه للاجتماعات متاعهم يفرّق عليهم في التاي ويخلّط ويجلّط  في البسايس والحلبة، قال شنوّا خادم القوم سيّدهم.

مورو: ماعادش يخدم مع علي عبد الله صالح؟

مباركة: هاوكا يشلوش مع حسن التارزي متاع نهج زرقون.

محرزية: ههههههه أمير المؤمنين! 

مباركة: أمير العطّايين، لو كان ما يبعدش على حسن والله ما نشكي بيه.

محرزية: اليوم الصباح عطاني قرطاس متاع بخور، قالي بخري بيه يجلب الرزق..

مباركة: صار البخور المنتن متاعو هو؟

مورو: عطاك حشيشة الفاهم ؟

محرزية: عطاني زوز قراطس واحد نبخّر بيه واحد نخلطو في الماء ونشربو باش يطرّيلي الأجعاب متاعي ويردهم ديما مبلولين..

مورو: هاهاهاههاهاهه يهلكك يا حسن هههههه.

محرزية: شبيك تضحك ؟

مورو: هاهاههاههاهاهاههاهاهه آي راسي باش يتقطعلي عرق ههههه

محرزية: براس ميمتك علاش تضحك؟

مورو: شربتو القرطاس؟

محرزية: أيه شربتو.

مورو: هاهاهاههاهاهاهها اوووه على زبّي اووه.

محرزية: آش فيه القرطاس؟؟

مورو: ماقالكش آش فيه؟

محرزية: قالي فيه مسك الباكستان ولوبان ذكر وزنجبيل سمرقند.

مورو: مافيهوش قلوب دلاع وزرّيعة متاع فلفل؟

محرزية: يا ولدي مرحي لونو كيما البُن متاع القهوة.

مورو: هاهاههاهاههاها خراء يا حروز خراء هاهاههاهاها.

محرزية: لا تحشي فيه !!

مورو: هاهاههاها ياخي ما تسمعيش بحشيشة الفاهم؟! ما تسمعيش بالديوكسيد دي كعلوس؟

محرزية: آآع باش نرد..

مورو: حسن التارزي يمشي للأسواق متاع الأرياف .. وقت ما يوفا السوق يمشي يلم الخراء متاع الناس من تحت الزيتون والحيوط  ويعبّيه في شكارة ويروّح بيه للدار يشيحو فوق السطح كيما تشيحو في الصيف كسكسي العولة وكيف يشيح يهرسو بالمهراس ويغربلو ويعبّيه في قراطس متاع قلوب ويبيعو على أساس يداوي العقم ويقوّي الزبوب ويكبر البزازل والترم ويطرّي الجعب متاع محرزية..

محرزية: آععععع.

مباركة: امشي للحوض فيسع ما تمسخيليش الدنيا.

مورو: ههههه خلّينا نرجعو لموضوعنا، مالا سلوى كي جات ما قالتلك شيْ؟

مباركة: ما حكيتش معاها برشا، دوب ما دخلت هزّت دبشها وأوراقها ومشات..

مورو: أوراق متاع شنوّا؟

مباركة: ما ثبتش فيهم وما سئلتهاش.

مورو: تعرفشي l'adrissa متاع دار عمتها؟

مباركة: حتّى انت! عمّتها عندها ثلاثة سنين من الّي هز ربّي متاعو ..

مورو: مالا شبيها قالتلي تسكن عندها ؟

مباركة: هكّاكا ما نعرفش .. أما في بالي  بيها عندها بنت عمّتها مرا هجّالة تسكن في الجبل الأحمر.. دارها عندي سنين ما مشيتلهاش .. عادي بيها من عرس بنتها.

مورو: معناها ما تعرفش وين انّجم نلقاها؟

مباركة: والله لا نعرف .. وين ماشي؟ وسّع بالك يا مورو .. كان كاتبتلك طو ترجعلك وحدها، كان ما رجعتلكش أعرف راهي خاطياتك..

مورو: في الدنيا هاذي نعرف حاجة وحدة .. الّي حاجتي بيه نعمل المستحيل باش ناخذو .. واذا ما نجّمتش نشطّب عليه وما عادش نتلفتلو .. يا مباركة الحب عند برشا نساء .. كلمة على طرف الشفايف يقولوها وترمة على الفرش يعطوها وفي الأخر للراجل يحشوها.

مباركة: الحب لو كان جا ينفع راهو نفع امك مباركة ... مازلت صغير ومازلت تعرف بنات أخرين غير وسّع بالك معاهم .. يا ولد ماريّة هيّا تعمل تكربيسة مع محرزية ؟ ...  شبيك باهت؟ أدخل بدّل الجو وفرهد روحك  علْ القليلة برّد العصفور ... كان ما عندكش السماح ..

مورو: هاهاهاها محرزية مازال فيها روح ؟ برجولية وحدك يا مباركة مازلتي كان انتي تخدمي بالكريدي ههههه..

مباركة: نيك أمها هي مڤينة مڤينة .. النوري (الزبّور)  ما يتشدّش على الأحباب!

مورو: محرزية جعبها قريب يتهرّا بحشيشة الفاهم وأنتي تقولي نوري؟؟

مباركة: لقيتو وتتشرّط  يا عفّاط؟ شوف البزّولة تبرّك الفحولة .. شوف الزعكة المدعْكة ..  شوف العصيّص المبيّص .. مكشطي مازال في rodage .. شنوّا الّي عندك انت باش تتكبّر بيه على النعمة؟!

مورو: ههههههه.. ماعندي شيْ ..الكلّو منّك .. لو كان تلاهيتلي بيه من الصغرة راك كبّرتو وردّيتو راجل بقلوطي محرحر يشوي شويان.

مباركة: سلوى ما تلاهتلكش بيه؟

مورو: سلوى؟! ما تجي شيْ قدّامك، ياخي شكون علمتها الفلاحة؟ موش انتي؟

مباركة: ههههه آش تقصد؟

مورو: واش خص يا "بوكا" نزرع فلفليّا في جنينتك وتتلاهالي بيه.. نتهنّا عليه ونرتاح! راهو شاغبني ههه.

مباركة: هههههه ووه يا حسرة! .. البير متاع الجنينة مسكّر وشايح..

مورو: وأنا آش قاعد نعمل؟  نغطس فيه ونحفر وكان لزم نخرّج منّو الفحم الحجري ..

مباركة: زعما تقد روحك؟ البير راهو غارق نخاف ولا يبلعك..

مورو: آآه .. واش خص يبلعني .. نغطس فيه وما عادش نخرج..

مباركة: شنوّا حكايتك اليوم؟ فارك يلعب على الزبيب؟

مورو: قول الفلفل يغمز في الطماطم .. اليوم شاهي ناكل سلاطة مشويّة..

مباركة: اشوي سلاطتك على كانون محرزية..

مورو: السلاطة نحب نشويها على كانون قديم ..زمني .. فخّار بكري ..نشويها وحدة وحدة .. ونرحيها بيديّا .. ونشم ريحتها ونذوقها ونتطعّمها بلساني ..

مباركة: اسمع منّو الهامل آش يعرف يحكي! 

مورو:  أنا طوّا قاعد نتخيّل فيك وانتي اتدخّلي في يدّك تحت الجبّة وتنحّي في قلصونك وطيّشيه على خليقتي ومبعّد تجي تعملي لحسة لقريّن الفلفل تذوقي حروريتو وتغمّضي عينيك وتحطّي كعيبة الطماطم فوقو ونبدا أنا نرحي فيهم في بعضهم وانتي توحوحي وتقولي أوووه على أيامي وعلى سعدي ما حرّو زيدني منّو ...

مباركة: اوووه يهلكك يا مورو .. أووه على أيّامي  وعلى سعدي المكبوب آش مجيبك هــ النهار المڤطرن؟ أخرج على زبّي اڤلب منظرك، ما ناقصاتك كان انت !

مورو ( نعض في شفايفي ): اوووه ونكمّل انّحيلك الجبة ونشد ياكا البزازل ونعصر اللبن ونشرب ومبعّد نتـgرعلك في وجهك غااااااق هاههاهاههاها...

مباركة: نعمبوك يا خامج ..اذهب من قدّامي .. اخرج برْ روّح .. يا هامل يا واطي.

مورو: آآه يا مباركة لو كان ندزّو فيك ما نردّك تخري بالواقفة هههه.

مباركة: يرّاه على وجهك الخراء والطلاء ..( وخطفت شلاكة ضربتني بيها ساقي)

مورو: باهي مباركة هآني ماشي ولنا عودة بعد الفاصل حضّر فرفورك أغسلو بالجير العربي فمّاشي ترجع فيه الروح، نمشي نطل على فريدة وهآني راجعلك  ههههه.

مباركة: برّا لفريدة طو تنفعك.. وانت كيف قنديل باب منارة ما تضوي كان على البرّاني.. 

مورو: شبيك يا مباركة تحكي هكّا؟ .. ماشي نطل عليها باش نسئلها على سلوى ..

مباركة: برّا امشي برّا .. اييه صحيح خيرنا يمشي لغيرنا ..

مورو: تحب نخلّيهولك ضمد؟

مباركة:  سد بيه صرمك كمْلو على حالك .. هيّا محرزية قوم أغسل الخيشة وأعملي رشّة قريزاي ودوري أعملي مسحة باهية عيّش بنتي .. الدنيا هاي بدات تتحرك ..

مورو: مالا نقوللكم ربي يعينكم و يرزقكم بزب يعمل فيكم العجب هههه.

 أنا خرجت ومباركة عيطتلي.

مباركة: يا ولد مارية .. تعدّالي مبعّد حاجتي بيك..

مورو: باهي باهي.

مشيت لفريدة لقيتها لابسة روبة بيضة ديكولتي وشعرها الأكحل مهفهف على ظهرها ومفقسة تمروح على الكانون  .. عملّت هكّا شديتها من حزامها وضربتو فيها من تالي..

فريدة: أووه فجعتني !! منين طلعتلي ؟؟ 

مورو: ملاّ صرم لو كان يرجعلي شبابي والله العظيم ما نبّتلك فيه الحرّيڤة.

فريدة: تي بوس بالڤدا .. شبيك تلقّي في وجهك.

مورو: تشوف فياّ خالك جاي من البلاد تسلّم عليه بالحناك!؟ مد شفّة نيّك! ... اييييه براس امك هات نعاودوها نسيت ما غمضتش عيني ..

فريدة: بنينة آه ؟ 

مورو: شنوّا بنينة ! قول عليّا حاشي فمّي في برج دلاع!

مورو:ههههه بليد .. آش تعمل هنا ؟ وشنوّا هذا الّي لابسو ؟ 

مورو: هآني جيت نلوّج على شكون تشوفلي ليه حل، الحنش ما حبّش يركح هههههه.

فريدة: ههههه ديما ببلادتك يا سخطة ! أدخل أدخل نشربوك حاجة ونفرحو بيك .. عندك برشا ما جيتش .

علي (ميبون يخدم في الكارطي): يا فوفو قالتلك نوسة نلقاش عندك شيشوار؟

مورو: باش تسخّن بيه العشاء؟

علي: العشاء سخون تجي تذوق؟

مورو: صدر ولا فخد؟

علي: زمنكة هاهاها تذوق تحصل راو!

مورو: شد هاو عرف وقيد .. بعورها بيه ومبعّد شمّو.. من الريحة طو تعرفها طابت ولا مازالت ههه.

علي(متكرز) : فريد عندك ششوار؟

فريدة: منين جاني الشيشوار؟ ياخي موش نوسة حرقتهولي؟

علي:  ما شريتش واحد أخر جديد؟

فريدة: ما عادش نششور.. يعجبكشي الشيشوار الّي نشريه ما يفكّو عليه كان ما يحرقوه..

مورو: لو كان حلّيت حجّامة  في الكارطي راك استكرزت.

فريدة: هاذوما وجوه متاع ربح؟ ما يطيح بيك كان المنكوب وناقص ركوب.

علي: آش نقوللها ؟

فريدة: وراس خويا يا علياء لا عندي، ماكش تشوف فيه شعري كيفاش مخبّل؟ تعرفني sur tout انتي ما نشندش عليك.

علي: يا ربي يا سيدي  كيفاش باش نجبد شعري !

مورو: ابزق في يديك وأعملو خرطة ههههه.

فريدة: هههه يزّي مورو، علياء راهو وليدها.

علي: زعمة كريمة الفرطاسة نلقى عندها؟

فريدة: كريمة آش تعمل بيه الششوار؟!

علي: هاذيكا الدنيا الكل عندها.

فريدة: آمآن ماك ماشي نعطيك تجيبلي في يدّك باكو دخان؟

علي: تأمرني يا فرفور.

فريدة:استنّى نجيبلك الفلوس .. مورو عندك دخان ؟

مورو: عندي.

فريدة: شد جيبلي باكو .. ما تبطاش يا علياء عيّش خويا... علياء والله لا تلقى خوه، غير العزاء ما عندوش زهر.

مورو: مسكين تلقاه الزهر بعبصو وتعدّى... ياخي جاتو في ترمتو.

فريدة: ههههه وانت سي الشباب وين غبرت الأيامات الّي فاتت؟ (شمرت روبتها وعرّات فخاذها وركزت يدها اليمين على حزامها ) قولي جاي في زيارة ولا طفارة ؟

مورو: ما تعرفيش علاش جاي؟

فريدة: نعرف (عطاتها تنهيدة) في بالي بكل شيْ .. حكاتلي سلوى ..

مورو: آي آش قالتلك؟

فريدة: حكاتلي على الّي صار .. حكاية الداهما ..

مورو: نورمال الّي عملاتو؟

فريدة: مورو أدخل الداخل نحكو..

نحن دخلنا ودخل ورانا علي جاب الدخان لفريدة، قعدت وشعلت سيڤارو.

مورو: آش حكات معاك؟ آش قالتلك؟ وين مشات؟ مخ زبّي باش يهبل! شنوّا الخايب الّي عملتهولها؟؟ يا فريدة ألف سؤال وسؤال ما لقيتلهمش جواب .. بعثت العالم وعبادو والدنيا الكل تنيّك على خاطرها .. حبّيتها وعشقتها .. حطيتها في زك الجواجي .. غرستها وردة في قلبي وسقيتها وكبرت وفوْحتلي حياتي ... 

فريدة: وسّع بالك يا مورو، والله حاسة بيك ..أما الزّابْ .. يا مورو علاش ما تحبش تفهمها؟

مورو: آش نفهم؟! نحبها ربّك .. نحبها .. الحب يتفهم؟؟  

فريدة: كلامك صحيح... مورو .. بصراحة .. فك عليك منها ! آش ناقصك؟؟ برّا شوف بنيّة حلال واخطاك منها .. ولا نقولك حاجة في وقتنا طوّا لا ينفع لا حب لا زبّي .. كان جا الحب ينفع راو نفعني أنا! شوف حالتي كي الكلبة .. آش نفع زبّي الحب؟؟ برّا عيّش مورو عيش حياتك وأخطاك من الحب والكرب .. الحب موش متاعنا، يا حسرة على خرافات روميو وجوليات وعنتر وعبلة ..

مورو: ايه أنا نحب نعيش خرافة نحب نعيش منامة .. كرهت الواقع عفتو ماعادش عيني فيه .. حياتي مافيها شي يصلح كيف نقوم من النوم نحب نشوف سلوى راقدة على صدري نبوسها من جبينها ونضربها على زعكتها ونقوللها قوم نيّك أعمليلنا قهوة ... نحب نعيش قصة حب بالضحك واللعب والتفدليك  .. تخسابني ما عرفتش بنات في حياتي؟ عرفت بنات قد شعر الراس وكيف ضربت على راسي لقيت كان شعرة بركا الّي هي سلوى ... سلوى تفهمني من الغمزة .. سلوى كبرت معايا .. سلوى تنحّي من فمها وتعطيني ناكل .. سلوى الوحيدة الّي تحس بيّا ..

فريدة: وهاذكا علاش سلوى هربت عليك .. سلوى صاحبتي ونعرفها اكثر من الّي انت تعرفها .. سلوى تحبك وتحبلك كان الخير.. خلاّتلك عندي جواب وصّاتني باش نعطيهولك من يدي ليدك وحمدوالله هاك جيت وحدك .. زعمة كنت باش نكلمك ونجيك .. لحظة نجيبهولك.

جابتلي فريدة الجواب، خذيتو حطّيتو في جيبي.

مورو: فريدة هيّا نخلّيك، نشوفك على خير وبوسلي ياكا العازب..

فريدة: شبيك قمت؟ زيد أقعد شويّة.

مورو: خلّيني نمشي ويعطيك الصحة ..

فريدة: مانحبش نوصّيك .. أمّا عيّش خويا وسع بالك وخوذ الامور بعقلانية ومن غير غش وتنرفيز .. راك مازلت صغير يا ديني ! طو تعرف ألف وحدة وحدة تتمنّى زينك وعينك ورجوليتك هههه ولّيتشي انا زادا نبزنس فيك ! اسمع منّي .. اجري على روحك وما تجري وراء حتّى حد .. وخوذني أنا كعبرة.. ايجا نبوسك وبرّا روّح ..

حمّلت فريدة وشدتني  الغصّة والبكية.

فريدة: ما تبكيش مورو ما تبكيش .. هز راسك .. مورو هز راسك واغزرلي .. (شدّتلي راسي بيديها الزوز ) مورو هاذاكا هو مجتمعنا ما نجموش نبدلوه .. ربي يغفر ويسامح والعباد ما ترحمش تزيد تنقم عليك تزيد تكرهك في الدنيا .. سلوى حبّاتك وماحبتش حاجة أخرى في الدنيا كيفما حبّاتك انت .. وعلى خاطر حبّاتك بعدت عليك لمصلحتك .. 

مورو: c bon فريدة c bon .. اذا عاودت قابلتها قوللها راني مانيش باش ننسى وقت الّي لعبنا الغميضة وأحنا صغار مع بنات خالتي نعمية  وتخبينا في الڤلص وهي كانت خايفة في الظلام شادين يدين بعضنا وقتها دخلو علينا عم المنصف  وخالتي نعيمة للبيت ونحاو حوايجهم وبداو يبوسو في بعضهم  ورقدت خالتي نعيمة على الفرش .. حلّلها عم المنصف ساقيها ورقد فوقها وبدا ينيك فيها .. أنا وسلوى وقتها في الڤلص كنّا نغزرولهم من النقبة متاع المفتاح ونضحكو ... قالتلي وقتها سلوى كيف نكبرو انّجمو نعرسو ونعملو كيفهم؟ هههه كنا صغار وموش فاهمين من الدنيا شيْ .. كنا نشوفو في الدنيا ساهلة .. كانت الدنيا متاعنا .. كنّا نملكوها .. حتى شيْ ما كان ياقف قدامنا .. يا ليتنا ما كبرنا .. يا ليتنا بقينا صغار .. الدنيا على قد ما فهمناها زدنا كرهناها .. 

فريدة (عينيها بالدموع): يا ليتنا بقينا صغار .. يا ليتنا بقينا صغار .. والله وجعتلي قلبي .. قداكش بهيمة يا سلوى تلقى الحب هذا الكل وتهرب عليه !

مورو: لو كان ما حبيناش بعضنا كان خير .. رانا بقينا أصحاب نشوفها وتشوفني ورانا مازلنا نعملو في الآفاريات مع بعضنا .. مخيبك يا حب مخيبك .. لو كان الحب رجل لقتلته .. لازما علينا نحبو ؟ ماعادش نحبو يزينا من الحب .. فريدة نخليك، رد بالك على روحك. bye .

هزّيت روحي خرجت من عند فريدة وتعديت من قدام chambre متاع مباركة، لقيتها واقفة قدام الباب، شافتني جبدت ستوشها من صدرها وخرجت منهم فلوس وعطاتهملي.

مورو: شنوا هاذوما ؟

مباركة: خمسين دينار أعطيهم لبوحميد صاحبك وقلّو الجمعة الجاية نكملّك الباقي.

مورو: مثبتة الفلوس هاذم لبوحميد ولد شريفة ؟!

مباركة: ايه بوحميد ولد شريفة، أعطيهملو كيما وصّيتك!

مورو: أعتبريهم وصلو، بسلامة مباركة وما تتغشش مني، بكري نفدلك معاك.

مباركة: تفدليكك ماسط ماعادش تعاودو .. داكوردو ؟

مورو: نعنبو زينك، بسلامة بوكا.

روّحت للدار دخلت ديراكت لبيتي سكّرت الباب  وحلّيت الڤلص فرغتو من الدبش، شعلت شمعة ودخلت في وسط الڤلص وسكرت الباب، وجبدت الجواب متاع سلوى وبديت نقرا فيه.

“ الى حبيبي وصديقي ورفيقي وروحي مورو.

أكتب اليك بدماء قلبي الذي لاطالما نبض حبا لك وبعشقك ارتوى.

حبيبي مورو مازلت نحس في مطعم البوسة في داركم وقت الّي تعاركت مع بوك وهزّيتك نغسلك في وجهك وقتلك لأول مرة نحبك ، في اللحظة هاذيكا كل شي تبدل في دنيتي وخاصةً كيف قلتلي انت زادا تجبني. 

ما نجمّش ننسى أجمل لحظة جمعتنا وما نحبش نزيد نتذكر باش ما نجرحكش ونجرح روحي.

أنا عرفت برشا رجال في حياتي وحتّى راجل ما نجّم يحرق الضو الأحمر ويدخل لقلبي غيرك أنت تعرفشي علاش؟ على خاطرك ما تستعرفش لا بالضوْ الأحمر ولا بالضوْ الأخضر، ماكانتش تهمك المظاهر وماكانش يهمك كلام الناس،  أنا كلام الناس يقتل فيّا كل يوم، الناس يشوفو فيّا كيلوات لحم يحبّو ياكلوه ومبعّد ما يشبعو يطيشولي زوز صوردي  ويضحكو عليّا، كل ما نحل ساقي  تتحل معاها مواجعي، الفم يضحك والقلب يبكي .. نحس في روحي كيف التواليت  للّي يسوى وللّي ما يسواش، نقبة باش يبولو فيها ولا حد يعطيني قيمة ولا حد يحترمني، هذا الكل على خاطر زوز فرنك..

مانيش نلوم على الناس، أنا هي الّي أخترت الخدمة هاذي لكن في وقت كنت مجبورة وكنت نحلم وماكانش عندي اختيار في بلاد كيف تمشي حافان ما يتلفتلك حد، في بلاد تبات جيعان ما يوكلك حد في بلاد الانسان فيها يتباع  ويتشرى، كل شي بسومو، ما فمّا شيْ بلاش.

وقت الّي خدمت في معمل الخياطة كنت نخلص في سبعين دينار في الشهر وما نخلط ناخو الميات دينار الاّ ما نرضع ونفڤس لمولى المعمل باش انّجم نخلّص كرايا ونلقى ما نصرف ... حياتي كي زبّي وما نحبش نتعبك معايا يا أعز انسان عرفتو وحبّيتو، مورو يا روحي يا حياتي يا حبّي مانحبكش نهار تندم على معرفتك فيّا، نعرفك قاسيت برشا في حياتك والدنيا عفست فيك  كيما حبّت ومانحبكش تزيد تقاسي معايا. نعرفك انسان ذكي ومتاكدة انّك باش  تفهمني يا روحي.

أنا ماعادش باش نبقى في تونس، بعد نهارين باش نحرق لروما باش نطيش روحي في البحر بالكشي البحر يداويني والغربة في الماضي تنسّيني ..

عندي منك طلب، سوى حيّة ولا ميتة نحبك ديما تذكرني كان بالخير ونحبك ديما تتذكر قداش فرحنا وضحكنا وبكينا ولعبنا وشطحنا وفدلكنا وتعاركنا ورقدنا مع بعضنا.. 

السلام يا أحلى حب.."

بعد ما كمّلت قريت الجواب حبّيت نحرقو بالشمعة لكن يدّي رعشت مانجمتش، شديّت الورقة بوستها وطويتها حطّيتها في جيبي ومشيت اتّكيت على الفرش وهزني النوم ورقدت ... مع السبعة متاع العشية فيقني التليقون هزيت لقيتو بوحميد.

بوحميد يعيّط: يا مورو وينك ربّك؟؟ من بكري نطلب فيك!!

مورو: في الدار كنت راقد، شبيك تعيّط ؟؟

بوحميد: راقد!! صحّة ليك متهنّي! سعاد من بكري تطلب فيك.

مورو: شكون سعاد؟

بوحميد: آه زبّك! نسيتها؟! سعاد أم فرح الّي نحّيتلها الجن.

مورو: شبيها؟ 

بوحميد: الجن رجعلها.

مورو: بالاهي برّا نيّك!  شكون الجن رجعلها؟!

بوحميد: أخرج هآني في راس النهج نسنتنّا فيك .. ايجا طوْ نحكيلك.

بدلت حوايجي لبست شورت دجين أزرق وسبادري ومريول أحمر مصوّر فيه أم نبوية ... ومشيت بلّيت شعري وخرجت.

بوحميد يدوّح في راسو: هاك طلعت شيخ فالصو حتّى ذوق ثلاثة  برشا فيك..

مورو: يزّينا بوحميد من القحب، أحكيلي آش فمّا ؟

بوحميد: خالتك سعاد طلبتني بكري وهي في حالة .. قالتلي فرح رجعلها الكريز وحبّت تنتحر.

مورو: تحكي بجدك؟

بوحميد: والله بالرسمي نعطيك نومروها وبرّا اطلبها طوْ تقولك!

مورو: وانت منين جبتو نومرو سعاد؟

بوحميد: طوّا هذا كلام؟! نقابل السوسو  وماناخوش نومروها ؟

جبدت التليفون وطلبتها

مورو: أهلا خالتي سعاد لاباس ماوْ؟

سعاد: يا مورو وليدي اجريلي فرح تحب تقتل روحها يا وليدي أعمل معروفك لربي ايجاني طوْ راهو ماعادش فيّا يا ربّي يا سيدي ...

مورو: بشويّة خالتي سعاد .. اسمعني .. اسمعني ..  أبقى بحذاها هآني جاي في الثنيّة.

مورو: يا والله حكاية!! نبقاشي ضربة ضربتين ماشي جاي عليها؟

بوحميد: اذا ولاّت الحكاية هكّا تفاهم معاهم يعملولك شهرية ويصبّولك CNSS .

مورو: هيّا بوحميد نمشو نشوفو حكايتها شنوّا.

بوحميد: باش تمشي هكا؟! وينو tenue de travail ؟

مورو: تحب تشوفو؟ هههههه

بوحميد: ههههه والله لا تحشمها.

مشينا خذينا تاكسي وقصدنا ربي لدار سعاد.

Categories: